Labour Card Scholarship: ಕಾರ್ಮಿಕರ ಮಕ್ಕಳಿಗೆ ಉಚಿತ ವಿದ್ಯಾರ್ಥಿವೇತನ – ಈಗಲೇ ಅರ್ಜಿ ಹಾಕಿ!
ಕರ್ನಾಟಕ ಸರ್ಕಾರವು ತನ್ನ ಸಾಮಾಜಿಕ ಬದ್ಧತೆಯೊಡನೆ ಕಾರ್ಮಿಕರ ಮಕ್ಕಳ ಶೈಕ್ಷಣಿಕ ಭವಿಷ್ಯವನ್ನು ಉಜ್ವಲಗೊಳಿಸಲು “ಶೈಕ್ಷಣಿಕ ಪ್ರೋತ್ಸಾಹ ಧನ ಸಹಾಯ ಯೋಜನೆ” ಎಂಬ ವಿಶಿಷ್ಟ ವಿದ್ಯಾರ್ಥಿವೇತನ ಯೋಜನೆಯನ್ನು ಘೋಷಿಸಿದೆ. ಬಡತನದ ದಾಟಿ ವಿದ್ಯಾಭ್ಯಾಸ ಮುಂದುವರೆಯಬೇಕು ಎಂಬ ನಿಟ್ಟಿನಲ್ಲಿ ಈ ಯೋಜನೆ ರೂಪಗೊಂಡಿದೆ.
ಯೋಜನೆಯ ಉದ್ದೇಶವೇನು?
ಕಾರ್ಮಿಕ ಕುಟುಂಬಗಳ ಮಕ್ಕಳು ಆರ್ಥಿಕ ಸಮಸ್ಯೆಯಿಂದಾಗಿ ವಿದ್ಯಾಭ್ಯಾಸವನ್ನು ಅರ್ಧದಲ್ಲಿ ನಿಲ್ಲಿಸದೇ ಮುಂದುವರಿಸಲಿ ಎಂಬ ನಿಟ್ಟಿನಲ್ಲಿ ಈ ಯೋಜನೆ ಆರಂಭವಾಗಿದೆ. ಬಡ ಕುಟುಂಬದ ವಿದ್ಯಾರ್ಥಿಗಳಿಗೆ ಪ್ರೋತ್ಸಾಹ ಧನ ರೂಪದಲ್ಲಿ ನೆರವು ನೀಡಿ, ಅವರಿಗೆ ಭದ್ರ ಭವಿಷ್ಯವನ್ನು ರೂಪಿಸೋದು ಈ ಯೋಜನೆಯ ಪ್ರಧಾನ ಗುರಿ.
ಯಾರಿಗೆ ಲಾಭ?
ಈ ಯೋಜನೆಯಡಿ ವಿದ್ಯಾರ್ಥಿವೇತನ ಪಡೆಯಲು ಕೆಲವು ಅರ್ಹತಾ ಮಾನದಂಡಗಳನ್ನು ಪೂರೈಸಬೇಕು:
- ವಿದ್ಯಾರ್ಥಿಯ ತಾಯಿ ಅಥವಾ ತಂದೆ ಸಂಘಟಿತ ಕಾರ್ಮಿಕರಾಗಿರಬೇಕು.
- ಕಾರ್ಮಿಕನ ಮಾಸಿಕ ಆದಾಯ ₹35,000ಕ್ಕಿಂತ ಕಡಿಮೆಯಾಗಿರಬೇಕು.
- ವಿದ್ಯಾರ್ಥಿಯು 2024–25ನೇ ಶೈಕ್ಷಣಿಕ ವರ್ಷದಲ್ಲಿ:
- ಸಾಮಾನ್ಯ ವರ್ಗಕ್ಕೆ ಕನಿಷ್ಟ 50% ಅಂಕಗಳು,
- SC/ST ವಿದ್ಯಾರ್ಥಿಗಳಿಗೆ ಕನಿಷ್ಠ 45% ಅಂಕಗಳನ್ನು ಗಳಿಸಿರಬೇಕು.
- ಒಂದು ಕುಟುಂಬದಿಂದ ಗರಿಷ್ಠ ಇಬ್ಬರು ಮಕ್ಕಳು ಮಾತ್ರ ಈ ಸೌಲಭ್ಯಕ್ಕೆ ಅರ್ಜಿ ಹಾಕಬಹುದು.
ಇದನ್ನು ಓದಿ : Old Age Pension: ರಾಜ್ಯದಲ್ಲಿ ಈಗ 23 ಲಕ್ಷ ಹಿರಿಯ ನಾಗರಿಕರ ಪಿಂಚಣಿ ರದ್ದು! ಇದರಲ್ಲಿ ನಿಮ್ಮ ಹೆಸರು ಇದೆಯೇ ಚೆಕ್ ಮಾಡಿಕೊಳ್ಳಿ?
ಯಾವ ತರಗತಿಗೆ ಈ ವಿದ್ಯಾರ್ಥಿವೇತನ ಲಭ್ಯ?
ಈ ಯೋಜನೆಯ ಪ್ರಯೋಜನಗಳು SSLC (10ನೇ ತರಗತಿ) ಕ್ಕೆ ಆರಂಭವಾಗಿ Post-Graduation (ಪಿಜಿ) ವರೆಗೆ ನೀಡಲಾಗುತ್ತವೆ. ಜೊತೆಗೆ:
- ಎಂಜಿನಿಯರಿಂಗ್ ವಿದ್ಯಾರ್ಥಿಗಳು
- ಮೆಡಿಕಲ್ ಕೋರ್ಸ್‌ನಲ್ಲಿ ಅಧ್ಯಯನ ಮಾಡುತ್ತಿರುವ ವಿದ್ಯಾರ್ಥಿಗಳು ಸಹ ಅರ್ಜಿ ಹಾಕಬಹುದಾಗಿದೆ.
ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ
ಡಿಸೆಂಬರ್ 31, 2025
ಅರ್ಜಿ ಸಲ್ಲಿಸುವ ವಿಧಾನ ಹೇಗೆ?
ಈ ಯೋಜನೆಗೆ ಆನ್‌ಲೈನ್ ಮೂಲಕವೇ ಅರ್ಜಿ ಸಲ್ಲಿಸಬೇಕಾಗುತ್ತದೆ. ಅಧಿಕೃತ ವೆಬ್‌ಸೈಟ್ ಈ ಕೆಳಗಿನಂತಿದೆ:
www.klwbapps.karnataka.gov.in
ಅಗತ್ಯ ದಾಖಲೆಗಳು
ಅರ್ಜಿ ಸಲ್ಲಿಸುವ ಮೊದಲು ಈ ಕೆಳಗಿನ ದಾಖಲೆಗಳನ್ನು ತಯಾರಿಸಿ ಇಡಬೇಕು:
- ಕಾರ್ಮಿಕರ ನೋಂದಣಿಯ ಪ್ರಮಾಣಪತ್ರ
- ವಿದ್ಯಾಭ್ಯಾಸದ ಅರ್ಹತೆ ಪ್ರಮಾಣಪತ್ರ (SSLC/PUC/Degree/PG)
- ಆದಾಯ ಪ್ರಮಾಣ ಪತ್ರ
- ಬ್ಯಾಂಕ್ ಖಾತೆ ವಿವರಗಳು (IFSC ಸಹಿತ)
- ಪಾಸ್‌ಪೋರ್ಟ್ ಗಾತ್ರದ ಫೋಟೋ
- ಆಧಾರ್ ಕಾರ್ಡ್
ಈ ಯೋಜನೆಯ ಮೂಲಕ ಸರ್ಕಾರ ಕಾರ್ಮಿಕರ ಮಕ್ಕಳಿಗೆ ಶಿಕ್ಷಣದ ಹಕ್ಕು ಮತ್ತು ಅವಕಾಶ ಎರಡನ್ನೂ ಸಮಾನವಾಗಿ ನೀಡುತ್ತಿದೆ. ಬಡತನವು ಬುದ್ಧಿವಂತಿಕೆಯ ಅಡೆತಡೆಯಾಗಬಾರದು ಎಂಬ ಧ್ಯೇಯದೊಂದಿಗೆ ರೂಪಗೊಂಡಿರುವ ಈ ಯೋಜನೆ, ನಿಜವಾದ ಸಾಮಾಜಿಕ ನ್ಯಾಯದ ಪ್ರತಿಬಿಂಬವಾಗಿದೆ.
ಇದನ್ನು ಓದಿ : PM-KISAN Update: ಈಗ ರೈತರಿಗೆ ಪಿಎಂ ಕಿಸಾನ್ ಹಣ ಸಿಗಬೇಕೆಂದರೆ ಮೊಬೈಲ್ ನಂಬರ್ ನವೀಕರಣೆ ಕಡ್ಡಾಯ!
ನೀವು ಅಥವಾ ನಿಮ್ಮ ಪರಿಚಯದ ಕಾರ್ಮಿಕ ಕುಟುಂಬಗಳಲ್ಲಿ ಯಾರಾದರೂ ಅರ್ಹರಾಗಿದ್ದರೆ, ದಯವಿಟ್ಟು ಡಿಸೆಂಬರ್ 31ರೊಳಗೆ ಅರ್ಜಿ ಸಲ್ಲಿಸುವಂತೆ ತಿಳಿಸಿ. ಮಕ್ಕಳ ಭವಿಷ್ಯ ರೂಪಿಸುವ ಈ ಸುವರ್ಣಾವಕಾಶವನ್ನು ತಪ್ಪಿಸಿಕೊಳ್ಳಬೇಡಿ!
